"PSJ" himoyachisi Leven Kurzava Chempionlar ligasining chorak finalidagi "Atalanta"ga qarshi uchrashuvni o‘tkazib yuboradi. Bu haqda parijliklar rasmiy saytida xabar berildi. Futbolchi Fransiya Ligasi kubogining final uchrashuvida o‘ng soni mushaklarini jarohatlab olgan. Jarohatdan forig‘ bo‘lish uchun taxminan ikki hafta vaqt kerak bo‘ladi.
Oldinroq yarim himoyachi Marko Verrattining ham "Atalanta"ga qarshi uchrashuvni o‘tkazib yuborishi mumkinligi haqida yozgandik. Buni qarangki, hujumchi Kilian Mbappe ham maydonga tusha olmasligi mumkin. U Fransiya kubogi finalida olgan jarohatidan tiklanish bilan band. U ayni damda to‘psiz shug‘ullanmoqda.
