Ўртоқлик учрашувида йирик ҳисобда ғалаба қозондик
Чемпионат рестартига тайёргарликни Сирдарё вилоятининг Янгиер шаҳрида ўтказаётган "Андижон" жамоаси кеча Жиззахнинг "Зомин" жамоасига қарши ўртоқлик учрашувида майдонга тушди.
Қизиқарли ва кескин курашларга бой бўлган учрашувда "Андижон" жамоаси 7:2 ҳисобида ғалаба қозонди.
Киритилган тўпларга Дониёр Абдуманнопов, Жамшид Ҳасанов, Шаҳбоз Жумабоев, Бахтиёр Қосимов, Азамат Исроилов, Абдуллоҳ Олимов ва Эммануэль Аривачуквулар муаллифлик қилишди.
Эслатиб ўтамиз, жамоамиз Суперлиганинг 10-турини 18 август куни Муборакнинг "Машъал" жамоасига қарши ўтказади.
Жаҳонгир Абдумўминов ва Исломбек Абдуллаев жамоадан кетди
Мамлакатимизда ёзги трансфер ойнаси очилган куни "Қўқон-1912" жамоасидан ижарага олинган дарвозабон Исломбек Абдуллаев собиқ жамоасига қайтиб кетди.
Шунингдек, жамоамиз ярим ҳимоячиси Жаҳонгир Абдумўминов билан икки томонлама шартнома бекор қилиниб, Абдумўминовга жавоб бериб юборилди.
Жамоамиз таркибда янги футболчилар кўрикдан ўтмоқда
Аввал хабар бериб ўтганимиздек, Янгиер шаҳрида чемпионат стартига тайёргарлик кўраётган "Андижон" жамоаси ёзги трансфер бозори очилганидан кейин бир қатор футболчиларни кўрикдан ўтказмоқда.
Наманган "Навбаҳор" жамоаси ярим ҳимоячиси Комил Тожиддинов ва ҳужумчи Ҳусайн Эргашбоев айни пайтда жамоамиз кўригидан бўлиб туришибди.
Бу икки футболчи ҳам кеча "Зомин" жамоасига қарши ўтказилган ўртоқлик учрашувда майдонга тушишди.
