"Барселона"нинг собиқ футболчиси Арда Туран иккита таниқли футболчилар - "Барселона" ҳужумчиси Лионел Месси ва "Ювентус" ҳужумчиси Криштиану Роналдуни таққослади.

- Месси ўйиннинг ҳар бир вазиятида иштирок этади. У ўйинни ҳар қандай жиҳатдан бошқариши мумкин. Роналду ҳақида ёмон гап айта олмайман, лекин у моҳир бўлса ҳам тўпурар футболчи. Месси футболда барча ҳислатларга эга. У ҳатто тасаввур қилиб бўлмайдиган нарсаларни амалга оширади. Унинг ақл-идроки, майдонни кўриш қобилияти, тўп узатишлари бошқа даражада.

Бу ҳақда мен билан гаплашган ҳар бир киши бунга қўшилади. Роналдога яқин одамлар ва унинг жамоадошларидан ташқари. Роналду менинг дўстим ва унинг даражаси борасида менда шубҳа йўқ. Аммо Месси яхшироқ - деб айтиб ўтди Арда Туран.

Маълумот ўрнида, ушбу мавсумда Месси клуб сафида 43 та ўйинда майдонга тушиб, 31 та гол урди ва 24 та голга ассистентлик қилди.