Ҳуқуқий жиҳатдан Мадриднинг "Реал" клубига тегишли бўлган Серхио Регилон Европа Лигаси финалидан сўнг, 22 август куни «Севилья» клубидаги фаолиятини якунлаб, «Реал» ихтиёрига қайтиб келади.
Бироқ, El Mundo Deportivo нашрининг тарқатган маълумотига қараганда, 23 ёшли футболчи Испаниянинг амалдаги чемпиони таркибида узоқ ушлаб турилмайди.
«Қаймоқранглилар» бош мураббийи Зинедин Зидан Регилонни келаси мавсумда ўз жамоасида кўрмаётганини раҳбариятга етказган ва уни сотиб юборилишига қарши эмаслигини билдирган.
2019/20 йилги мавсумда Регилон 37 та учрашувда майдонга тушди ва 3 та голга муаллифлик қилди ҳамда 5 та голга ассистентлик қилди. Унинг трансфер баҳоси 25 миллион евро баҳоланмоқда.
