Айни кунларда ЎзПФЛ Coca Cola Суперлига учун кузги тақвимни ишлаб чиққан. Бунда миллий терма жамоанинг ФИФА кунларидаги ҳаракати, "Пахтакор"нинг Осиё чемпионлар лигасидаги иштироки, Осиё чемпионати U-19 каби масалалар инобатга олинган. Мана шу тақвим тасдиқланса, ундан келиб чиқиб Про лига клублари тақвими ишлаб чиқилади.
ФИФА кунлари Про лига клубларига таъсир ўтказмайди, бу ишимизни осонлаштиради. Шунингдек, Про лига клублари футболчиларининг соғлиги масаласи ҳам муҳим. Биз тест имтиҳонлари учун айнан қайси стадионлар танлаб олинганига ҳам ойдинлик киритишимиз керак. Шунингдек, Про лига клублари стадионларидан жонли эфир қилиш имкони борми ёки йўқ — УзРепорт ўрганиб улгуриши муҳим.
P.S. Аёллар футболи ва Биринчи лигани қайтариш устида ҳам иш олиб бориляпти. Катта эҳтимол билан Биринчи лига формати яна ўзгаради. Пандемия бизни шунга мажбур қилади, вақтдан ютказяпмиз.
Диёр Имомхўжаев.