Россия чемпионатининг 3-туридан ўрин олган "Динамо" ва "Ростов" ўртасидаги ўйин якунига етди.

Учрашувнинг дастлабки 20 дақиқасида катта устунлик Карпин шогирдлари томонида бўлди. Аммо ростовликлар имкониятлардан фойдалана олишмади.

Учрашувнинг 39-дақиқасида Норманн ўз жарима майдони чизиғи олдида "Динамо" ярим ҳимоячиси Комличенкога нисбатан эҳтиётсизлик билан ҳаракат қилгани учун ҳакам ВАР ёрдами "Ростов" дарвозаси томон пенальти белгилади. Пенальтидан Филипп унумли фойдаланиб, ҳисобни очди.

Тайм сўнгида эса Николай Комличенко бурчакдан етказилган узатмани бош билан меҳмонлар дарвозасига жойлаб, ҳисобни 2:0 кўринишига келтирди.

"Ростов" иккинчи бўлимда вазиятни ўнглашга ҳаракат қилди. Бир вазиятда Мамаев тўпни ўзидан узоқлаштириб юбориб, вазиятни қўлдан чиқарган бўлса, яна бир вазиятда Зайнутдинов яккама-якка вазиятда дарвоза томон аниқ зарба бера олмади.

Учрашувни асосий таркибда бошлаган Элдор Шомуродов баҳс охирига қадар майдонда ҳаракат қилди ҳамда огоҳлантириш олди. Ўзбекистонлик футболчи формага кириб бораётгани кўринди, аммо унга ҳозирча гол етишмаяпти.

"Динамо" ушбу ғалабадан кейин 7 очко билан 1-ўринга кўтарилиган бўлса, "Ростов" 3 очко билан 10-ўринга тушиб қолди.

Россия премьер-лигаси, 3-тур
Динамо – Ростов 2:0 (2:0, 0:0)
Голлар: 1:0 – 42, пенальти Филипп, 2:0 – 45 Комличенко.
Динамо – Шунин, Евгеньев, Ордец, Скопинцев, Паршивлюк, Шиманьски (Карапузов, 64), Фомин (Моро, 69), Каборе, Комличенко (Игбоун, 64), Н`Жи (Терехов, 83), Филипп (Москвичев, 83).
Ростов – Песьяков, Козлов (Байрамян, 77), Осипенко, Чернов (Тошевски, 77), Хаджикадунич, Еременко (Глебов, 67), Норманн (Хасимото, 77), Мамаев, Ионов (Ковалев, 87), Зайнутдинов, Шомуродов.
Огоҳлантиришлар: Зайнутдинов (16), Н`Жи (34), Норманн (34), Шомуродов (54), Паршивлюк (60), Моро (90).