"Милан" ҳужумчиси Златан Ибраҳимович "россонерилар" сафида қолишга тайёр. Ҳужумчи миланликлар билан янги шартнома борасида келишувга эришган. Бу ҳақда журналист Николо Скира ёзмоқда.
Эслатиб ўтамиз, Златан "Сан Сиро"га ўтган мавсум қайтганди. У жамоанинг ички муҳитини ўзгартирди ва Стефано Пиоли билан янги шартнома имзолашга ўз ҳиссасини қўшди.
Янги шартноманинг молиявий томонлари ҳозирча ошкор қилинмади.