«Барселона» клуби ярим ҳимоячи Иван Ракитич билан ёзги трансфер ойнаси пайтида хайрлашмоқчи.

Sport.es тарқатган хабарга кўра, хорватиялик футболчи «Севилья»га қайтади. Клублар 32 ёшли футболчининг трансфери борасида келишувга эришишди. Ракитичнинг "Барса" билан яна бир йиллик шартномаси борлигига қарамай, у «Севилья» сафига бепул ўтади. Эвазига «Барселона» андалусияликларнинг баъзи ўйинчилари трансфери борасида устувор ҳуқуқини қўлга киритмоқчи. Жумладан, каталонияликларни ҳимоячилар Диего Карлос ва Жюль Кунде қизиқтиради. Яъни, "Севилья" уларни сотишни истаса, биринчи бўлиб ўйинчиларни "Барса"га таклиф қилади.

Иваннинг "Севилья"га ўтиши мазкур ҳафтада амалга ошиши мумкин.

Ракитич 2014 йилда 18 миллион евро эвазига «Севилья»дан «Барселона»га ўтган эди. "Кўк-анорранглилар" сафида у 4 карра Испания чемпиони, 4 карра Испания кубоги соҳиби ва бир мартадан Чемпионлар лигаси, УЕФА суперкубоги ва клублар ўртасидаги жаҳон чемпионатида ғолиб чиққан.