Мадриднинг "Реал" клуби ҳимоячиси Серхио Регилонга Европанинг бир нечта топ-клублари қизиқиш билдирмоқда. Уларнинг орасида Англиянинг «Манчестер Юнайтед» ва Туриннинг «Ювентус» клублари ҳам бор.
«Реал» Регилонни 20 миллион евро эвазига қўйиб юборишга тайёр. Ушбу маблағни «Интер» ва «Тоттенхэм» клублари тўлаб беришга тайёр. Бироқ, Серхио ўзига мосроқ вариантларни кўриб чиқиш ниятида эканлигини яширмаяпти.
Эслатиб ўтамиз, Регилон ўтган мавсумни Испаниянинг «Севилья» клубида ижара асосида ўтказди ва Европа Лига Кубогини қўлга киритди.