«Милан» клуби расмий сайти ҳужумчи Златан Ибраҳимович билан шартнома имзоланишини маълум қилди.

Томонлар ҳали янги шартномага имзо чекишмади, аммо бу иш тез орада амалга оширилади. Швециялик футболчи билан бир йиллик шартнома тузилади.

«Мен уйга қайтишни истардим. Янада яхшироқ натижаларга эришиш учун энди биз ишлашни бошлаймиз. Аввал ҳам айтганимдек, мен бу ерга клуб тумори бўлиш учун эмас, натижа келтириш, "Милан"ни ўз жойига қайтариш учун келганман. Биз 6 ой ажойиб вақтни ўтказдик, аммо ҳеч нарса ютмадик.

Ўзимни яхши ҳис қиляпман. Умид қиламан, тез орада мухлисларни стадионда кўраман. Чунки, жамоага ишқибозлар керак. Улар қувончдан сакрашларини истаймиз. Forza Milan», — деди Ибраҳимович Милан аэропортига ташриф буюрганидан сўнг.

38 ёшли Ибраҳимович А сериянинг якунланган мавсумида 18та ўйинда майдонга тушиб, 10та гол урди ва 5та голга узатма берди.