Жанубий Корея чемпионатининг 18-туридан ўрин олган баҳслар 30 август, якшанба куни якунланди.

«Кванжу» жамоаси «Тегу» майдонида меҳмон бўлди. Голларга бой бўлган баҳсда меҳмонлар иродали ғалабани қўлга киритди. Биринчи бўлим дебютида тегуликлар тезкор гол эвазига олдинга ўтиб олган бўлса, бунга майдон эгалари танаффусга қадар Фелипе ва Рустам Ашурматовнинг голлари билан жавоб қайтарди.

Иккинчи бўлимда дарвозалар яна етти бор ишғол этилди. Мезбонлар сафида Виллиан Барбоза, Фелипе, Лим Мин Ҳёк ва Ким Жу Гон ўз ҳисобига гол ёздириб қўйди. «Тегу»нинг жавоб голларига Сезиня ва Эдгар Сильва муаллиф бўлди.

Параллел кечган баҳсда «Сёнгнам» жамоаси «Поҳанг Стилерс» майдонига сафар қилиб, ғалабани қўлдан чиқарди. Учрашувда Жамшид Искандаров 45-дақиқада ҳаракат қилди.

Яна бир ўйин «Улсан Ҳёндай» ва «Сеул» жамоалари ўртасида кечди. Икром Алибоев қатнашмаган баҳсда пойтахтликлар йирик ҳисобдаги мағлубиятни қабул қилиб олди.

Кей-Лига, 18-тур баҳслари. 30 август, якшанба
«Тегу» — «Кванжу» 4:6
Голлар: 1:0 – 2 Дамянович, 1:1 – 24, пенальти Фелипе, 1:2 – 30 Ашурматов, 2:2 – 50, пенальти Сезиня, 2:3 – 61 Барбоза, 2:4 – 63 Фелипе, 3:4 – 67 Эдгар Сильва, 3:5 – 80 Лим Мин Ҳёк, 3:6 – 82 Ким Жу Гон, 4:6 – 90 Сезиня.
«Тегу»: Ку Сон Юн, Ким Дон Жин, Ким У Сок, Чон Те Ук (Эдгар Сильва, 64), Чо Жин У, Чон Шин Вон, Ким Сон Мин (Ли Жин Ҳён, 77), Ниси (Рю Же Мун, 70), Сезиня, Дамянович, Ким Де Вон.
«Кванжу»: Юн Пҳён Гук, Ҳон Чун Ҳо, Ли Мин Ги, Ким Чҳан Су, Ашурматов, Барбоза (Ким Жу Гон, 79), Ё Бон Ҳун, Ту Ҳён Сок (Ким Ҳе Ги, 66), Пак Чон Су, Ом Вон Сан (Лим Мин Ҳёк, 77), Фелипе.

«Поҳанг Стилерс» — «Сёнгнам» 2:1
Голлар: 0:1 – 20 На Сан Ҳо, 1:1 – 52 Илюченко, 2:1 – 56 Илюченко.

«Улсан Ҳёндай» — «Сеул» 3:0
Голлар: 1:0 – 18 Ли Чҳон Ён, 2:0 – 41 Жуниор Негао, 3:0 – 90 Чон Ҳун Сон.