Ўзбекистон профессионал футбол лигасига янги бош директор тайинланди. Бу ҳақда Stadion.uz ўз манбаларига асосланиб хабар тарқатди.
Ўтмишдаги таниқли футболчи Мурод Алиев ташкилот раҳбари лавозимига тайинланди. Ўзбекистон футбол ассоциацияси ижроқўми мазкур ўзгаришни тасдиқлаганидан кейин у расман ўз лавозимига киришади. М.Алиев шу пайтгача АГМК клуби раҳбариятида ишлаб келаётган эди.
Эслатиб ўтамиз, май ойидан буён Диёр Имомхўжаев ЎзПФЛ бош директори вазифасини бажариб келаётган эди.