Уэльс терма жамоаси бош мураббийи Райан Гиггз португалиялик ҳужумчи Криштиану Роналду терма жамоадаги голлари сони бўйича жаҳон рекордни янгилаши мумкинлигини айтиб ўтди.

«Ўйлашимча, Криштиану рекордни янгилайди. Мен жаҳоннинг энг яхши клубида 40 ёшимгача ўйнаганман. Роналду ҳам 40 ёшгача ўйнайди. Бунинг учун эса шунга мос жамоада бўлиши керак. У ўзига яхши қарайди, тўғри овқатланади ва футбол учун яшайди. У мен кўрган энг яхши профессионал.

Роналдунинг 700та гои? Мен уни фаолиятининг бошланиш пайтида кўрганман. Ўшанда унинг бунча гол уришини тахмин қилиш қийин эди. У иқтидорли ва ажойиб ўйинчи эди. У ҳамиша спортзалда ишларди ва ажойиб футболчи бўлиши мумкин, деб ўйлардим. У «Манчестер Юнайтед» сафида бир мавсумда 40та гол урди. Шу пайтгача амалга ошириб келаётгани ишларига эса ақлбовар қилмайди», — деди Гиггз.