«Барселона»нинг собиқ дарвозабони Виктор Вальдес Лионел Месси манзилига бўлаётган танқидларга ўз муносабатини билдирди. Маълумки, Месси узоқ вақт «Барселона»дан кетишга ҳаракат қилди, бироқ, клуб раҳбарияти унинг жамоани тарк этишига йўл қўймади.
«Мен ҳам ушбу вазиятдан жабр чекдим. Атрофдан Мессига бўлган танқидлар менинг ҳам шахсиятимга тегди. Одамларнинг реакциясидан хафа бўлдим. Мессига ва унинг клуб учун қилган ишларига ҳеч қачон шубҳа билан қарамаслик керак. У «Барселона» учун жуда кўплаб нарсаларни англатади. У жамоада қолганидан хурсандман. Месси мухлисларга яна жуда кўплаб хурсандчиликларни улашади», - деди Виктор.
