«Barselona»ning sobiq darvozaboni Viktor Valdes Lionel Messi manziliga bo‘layotgan tanqidlarga o‘z munosabatini bildirdi. Ma’lumki, Messi uzoq vaqt «Barselona»dan ketishga harakat qildi, biroq, klub rahbariyati uning jamoani tark etishiga yo‘l qo‘ymadi.
«Men ham ushbu vaziyatdan jabr chekdim. Atrofdan Messiga bo‘lgan tanqidlar mening ham shaxsiyatimga tegdi. Odamlarning reaksiyasidan xafa bo‘ldim. Messiga va uning klub uchun qilgan ishlariga hech qachon shubha bilan qaramaslik kerak. U «Barselona» uchun juda ko‘plab narsalarni anglatadi. U jamoada qolganidan xursandman. Messi muxlislarga yana juda ko‘plab xursandchiliklarni ulashadi», - dedi Viktor.
