Франциянинг «Лион» клуби спорт директори Жуниньо Мемфис Депай фаолиятини Каталониянинг «Барселона» клубида давом эттириши мумкинлиги ҳақидаги миш-мишларга ўз фикрини билдирди.
«Айни пайтда шуни айтишим мумкинки, «Барселона» Депай борасида расмий таклиф юбормаган. Ҳозир бундан бошқа ҳеч нарса айта олмайман. Қачонки бизга расмий сўровнома келиб тушади, шундан кейин ўйлашни бошлаймиз.
Мемфис ўз терма жамоасига кетишидан олдин гаплашдим. Ўшанда у «Барселона»дан ҳеч ким қўнғироқ қилмаганини айтди, - деди Жуниньо.
