Каталониянинг "Барселона" клуби янги бош мураббийи Рональд Куман биринчи иш ҳафтасига баҳо берди.
"Ҳозирча ҳаммаси ижобий. Ортда қолган ҳафталарда футболчилар яхши ишлашди. Машғулотларнинг биринчи ҳафтасини асосий жисмоний тайёргарликка қаратдик, ҳозир эса тактик машғулотлар олиб боряпмиз. Футболчиларда ирода, қизиқиш ва қувват пайдо бўлди. Бу энг асосийси. Шунингдек, жамоанинг икки ҳафтада олиб борган ишидан қониқдим.
Бизни бир нечта ўртоқлик учрашувлар ва машғулотлар кутиб турибди. Шу тариқа спорт формасини яхшилаб олган ҳолда, Ла Лига ўйинларига кириб борамиз", - Куманнинг сўзларидан иқтибос келтирмоқда "Барселона" расмий сайти.
Эслатиб ўтамиз, "Барселона" Ла Лигадаги дастлабки учрашувни 27 сентябрь куни ўтказади.
