Италиянинг «Интер» клуби спорт директори Пьеро Аулизио Лаутаро Мартинес билан янги тузилиши керак бўлган шартнома ҳақида ўз фикрларини айтиб ўтди.

«Лаутаронинг кўрсатаётган ўйинидан қониқяпмиз. У билан шартномани узайтириш борасида ҳеч қандай муаммо йўқ. У ҳали ёш, унинг яна амалда 4 йиллик шартномаси бор, шу сабабли, шошишимизга ҳожат йўқ.

Шартнома – бу нафақат ҳуқуқ, балки мажбурият ҳамдир. Лаутаронинг иши – «Интер»нинг манфаати учун майдонда бор кучини бериб ишлаш. У билан янги шартнома борасида музокара олиб боришга ҳали бизда вақт бўлади».