Туриннинг «Ювентус» клуби бош мураббийи Андреа Пирло 2020/2021 йилги мавсумга олиб борилаётган тайёргарлик ҳақидаги фикрлари билан ўртоқлашди.
Эслатиб ўтамиз, 13 сентябр куни Пирло қўл остидаги «кекса синьора» С Серия вакили «Новара» клубига қарши ўртоқлик учрашувида майдонга тушди ва 5:0 ҳисобида ғалаба қозонди.
«Турли хил комбинацияларни синаб кўрдик. Учрашувнинг биринчи бўлимида тўртта ҳимоячи билан ўйнадик, кейин учта ҳимоячи билан ўйнашга ўтдик. Футболчилар ғайрат билан ўйинга ёндошишлари муҳим. Ҳозир улар янги машғулот турига кўникишмоқда, ўйлайманки, бундан завқ олишмоқда.
Менга имкон қадар тезроқ ҳужумчи керак. Бироқ, ҳозир бозор энг мақбул вариант эмас, октябрь ойини кутишга мажбурмиз», - Пирлонинг сўзларидан иқтибос келтирмоқда Football Italia.
