Франциянинг "ПСЖ" клуби ҳужумчиси Эрик Чупо-Мотинг шартномани узайтирмасликка қарор қилганлиги ҳақида Goal портали хабар тарқатмоқда.

Парижликлар 31 ёшли камерунлик ҳужумчига бир йиллик шартнома таклиф қилганди, бироқ, Мотинг бу таклифни рад этди.

Айни пайтда Чупо-Мотинг эркин агент саналади. Шу ойнинг охирида унинг «ПСЖ» билан тузган шартномаси якунланади. Камерунлик ҳужумчи парижликлар сафига 2018 йили келган эди. У мана шу давр мобайнида 51 та учрашувда майдонга тушиб, 9 та гол киритди ва 3 та голга ассистентлик қилди.

Ўтган мавсумда Чупо-Мотинг ЕЧЛ доирасида «Аталанта» дарвозасига ҳал қилувчи голни киритиб, жамоани ярим финалга йўл олишига катта ҳисса қўшганди.