Роберт Левандовскининг собиқ агенти Цезари Кухарски ўзининг собиқ мижозидан 39 миллион злотий (тахминан 9 миллион евро) талаб қилган. Кухарски томонидан берилган даъво аризасига кўра, агент "Бавария" ҳужумчиси RL Management компаниясидан маблағ олиб чиқиб, уларни шахсий мақсадлари учун ишлатган ва даъвогарнинг ўзи жабрланувчилардан бирига айланган.
Гап RL Management 2015 йил октябрь ойида Левандовски оиласига берган 10 миллион злотий (тахминан 2,5 миллион евро) кредит ҳақида бормоқда. Нашрнинг таъкидлашича, пуллар Робертнинг Польшадаги ҳисоб рақамларига Германия солиқ идораларини четлаб ўтиб кетганлигини тасдиқловчи ҳужжатлар мавжуд.
Футболчининг ўзи ва унинг адвокатлари бу баёнотни асоссиз деб топдилар ва айбловни рад этдилар. Форвард вакилининг сўзларига кўра, RL Management томонидан унинг фойдасига барча тўловлар Левандовскининг солиқ декларацияларида акс эттирилган. Бундан ташқари, Роберт собиқ менежерни шантаж, туҳмат ва таъқиб қилишда айбламоқда.
