Лондоннинг "Тоттенхэм" клуби ҳужумчиси Харри Кейн АПЛнинг 2-тур доирасида "Саутгемптон" (5:2) клуби устидан ғалаба қозонилган ўйинда ажойиб натижага эришди.
Гап шундаки, ушбу баҳсда "шпорлар"нинг киритган голларини 4 таси Сон Хён Мин ҳисобига ёзилди ва киритилган тўртта голга Кейн ассистентлик қилди. Бу бир учрашувда бир жамоадошига тўртта голли пас узатиш АПЛ тарихида илк маробата кузатилмоқда.
27 ёшли Кейн "Тоттенхэм" тарбияланувчиси саналади. У лондонликлар сафида 289 та учрашувда майдонга тушиб, 189 та гол киритди ва 30 та голга ассистентлик қилди.
