Сайтимиз орқали аввал хабар бериб ўтганимиздек, Суперлига аутсайдери - "Андижон" ўзининг легионерлари билан хайрлашишда давом этмоқда.
Аввалига Россиялик мураббий Виктор Кумиковга жавоб бериб юборилганди. Сўнгра, молдавиялик ҳужумчи Артём Литвяков билан хайрлашган эди. Яқинда эса марказий ҳимояда ишончлик ўйин намойиш этаётган украиналик легионер - Дмитро Зозулья билан хайрлашгани ҳақида хабар бергандик.
"Андижон" жамоаси раҳбарияти куни кеча нигерлиялик марказий ҳимоячи - Эммануэль Аривачукву билан ҳам шартномани ўзаро икки томонлама бекор қилди ва томонлар тинчлик йўли билан хайрлашди.
Эслатиб ўтамиз, нигериялик 27 ёшли марказий ҳимоячи "Андижон" жамоасининг 8 та учашувида майдонга тушди ва 644 дақиқа тўп суриш билан бир қаторда, 3 та сариқ ҳамда битта қизил карточка олишга улгурди.
