Суперлиганинг 17-турига старт берилди. Тур доирасида "Металлург" Бекободда "Локомотив"ни қабул қилди.

Баҳснинг 35-дақиқасида "темирйўлчилар" қарши ҳужум ташкил қилишди ва Махарадзе 17 метрлардан зарба бериб, ҳисобни очди.

Иккинчи бўлим бошида эса Ихтиёр Тошпўлатов ҳисобни тенглаштирган бўлса, орадан 14 дақиқа ўтиб яна ўша Кахи Махарадзе "Локо"ни олдинга олиб чиқди.

Мезбонларнинг ҳисобни тенглаштириш борасидаги уринишлари баҳс тугашига 5 дақиқа қолганида самара берди. Шаҳзодбек Убайдуллаевнинг зарбаси "темирйўлчилар" дарвозасига бориб тушди.

Шу тариқа, турнинг марказий баҳсида жанговар дуранг қайд этилди.

Суперлига, 17-тур
МЕТАЛЛУРГ – ЛОКОМОТИВ - 2:2  (0:1)
Голлар: Ихтиёр Тошпўлатов (51), Шаҳзодбек Убайдуллаев (85) — Кахи Махарадзе (35, 65)
“Металлург”: 12. Александр Лобанов, 5. Аббос Отахонов, 7. Дониёр Нарзуллаев, 8. Саламат Қуттибоев, 10. Шаҳзодбек Убайдуллаев, 14. Аброр Тошқўзиев, 15. Зоҳид Абдуллаев, 27. Ихтиёр Тошпўлатов, 28. Станислав Андреев (с), 46. Даврон Анваров, 88. Евгений Чумак
Захира: 1. Акмал Турсунбоев, 11. Муродбек Бобожонов, 17. Жасур Ўринов, 20. Худойшукур Сатторов, 21. Камолиддин Тожиев, 22. Шаҳзодбек Ғофурбеков, 36. Тўлқин Эргашев, 77. Муҳаммад Исаев.
“Локомотив”: 35. Жавоҳир Илёсов, 3. Жаҳонгир Абдумўминов, 7. Кахи Махарадзе, 10. Марат Бикмаев, 11. Темурхўжа Абдухолиқов, 14. Азизбек Амонов, 20. Ғулом Ҳайдар Ғуломов, 26. Дилшоджон Комилов, 37. Шерзод Файзиев, 52. Жалолиддин Жумабоев, 77. Диёржон Туропов.
Захира: 13. Рустам Нартажиев, 4. Шаҳзод Шайманов, 17. Савелий Абрамов, 19. Авазбек Ўлмасалиев, 22. Камрон Сайдазимов, 23. Абдул Азиз Юсупов, 25. Жавоҳир Алижонов, 70. Шоҳжахон Қиличев, 80. Фаррухжон Иброҳимов.
Ҳакамлар: Равшан Абдувоҳидов, Санжар Шоюсупов, Алишер Усмонов, Абдурашид Худойберганов
Назоратчи: Андрей Тамбовцев
Комиссар: Жаҳонгир Раҳматуллаев