Италия чемпионатининг 2-туридан ўрин олган «Интер» - «Фиорентина» ўйини нафақат голларга бой бўлди, балки сценарий бўйича драматизм жанрига тортиб кетди.

Жамоалар бутун ўйин давомида ҳисобда қувлашмачоқ ўйнашди. Баҳс бошида Куаме меҳмонларни олдинга олиб чиққан бўлса, тайм сўнгида Мартинес мувозанатни тиклади. Иккинчи бўлим бошидаги автогол эса "Интер"ни олдинга олиб чиқди.

Кейин эса порлаш навбатида "Фиорентина" келди. Жамоа 57 ва 63-дақиқаларда "нерадзурри" дарвозасини ишғол қилиб олдинга ўтиб олди.

Ўйин сўнгида эса миланликлар нафақат ҳисобни тенглаштиришди, балки бир дақиқа оралиғида 2та гол уриб, ғалабани илиб кетишди.

Шу тариқа, "Интер" мавсумни иродали ғалаба билан бошламоқда.

Италия А серияси, 2-тур
Интер – Фиорентина 4:3 (1:1, 3:2)
Голлар: 0:1 – 3 Куаме, 1:1 – 45 Мартинес, 2:1 – 52, автогол Чеккерини, 2:2 – 57 Кастровилли, 2:3 – 63 Кьеза, 3:3 – 87 Лукаку, 4:3 – 89 Д`Амброзио.
Интер – Ханданович, Янг (Хакими, 65), Коларов, Бастони, Д`Амброзио, Барелла (Наингголан, 74), Брозович (Видаль, 75), Эриксен (Сенси, 64), Перишич (Санчес, 78), Мартинес, Лукаку.
Фиорентина – Дронговски, Касерес, Чеккерини, Бираги, Миленкович, Кастровилли, Амрабат, Бонавентура (Валеро, 61), Рибери (Кутроне, 83), Кьеза (Лирола, 69), Куаме (Влахович, 61).
Огоҳлантиришлар: Барелла (7), Чеккерини (32).