Англиянинг "Манчестер Юнайтед" клуби ҳимоячиси Диогу Далот фаолиятини Италия чемпионатида давом эттириши мумкин.
Sky Sport Italia нашрининг тарқатган маълумотига қараганда, португалиялик ҳимоячига "Милан" клуби қизиқиш билдирмоқда.
"Россонерлар" 21 ёшли футболчини кейинчалик сотиб олиш шарти билан ижарага олишга тайёр. Ўз навбатида "МЮ" раҳбарияти ўз футболчисини тўлақонли равишда сотиш вариантини кўриб чиқишмоқда.
Далотнинг трансфер нархи 12 миллион евро атрофида баҳоланмоқда. Далот "МЮ" таркибида икки мавсумда 34 та учрашув ўтказди ва 1 та гол уриш билан бир қаторда 3 та голга ассистентлик қилди.
