Лондоннинг "Тоттенхэм" клуби ярим ҳимоячиси Деле Алли фаолиятини Франция чемпионатида давом эттириши мумкин дея хабар бермоқда RMC Sport.
Манбанинг ёзишича, "ПСЖ" Деле Аллини мавсум якунига қадар ижарага олишга ҳаракат қилмоқда.
Аввалроқ, 24 ёшли футболчи "шпорлар" клуби бош мураббийи Жозе Моуриньо билан тортишиб қолгани, шунинг учун ўз жамоасини ўзгартириш ниятида эканлиги ҳақида хабарлар тарқалганди.
Алли "Тоттенхэм" таркибида 2015 йилдан бери ўйнаб келмоқда. У жамоанинг 224 та учрашувида майдонга тушиб, 62 та гол киритди ва 55 та голга ассистентлик қилди. Аллининг трансфер нархи 64 миллион евро атрофида баҳоланмоқда.
