Мавсум ўртасида футболчилар билан хайрлашиш "ҳадиси"ни олган "Андижон" яна бир футболчи билан шартномани бекор қилмоқда.
Гап шундаки, шу кунгача "Андижон" футбол клубида раҳбарият алмашганидан бери Артём Литвяков, Эммануэлт Аривачукву, Дмитро Зозулья каби футболчилар билан ўзаро шартнома бекор қилинган эди.
Клубдагиларнинг бизгача етказган маълумотига қараганда, мавсум бошида жамоага олиб келинган ҳужумчи Тимур Усманов билан ҳам шартномани бекор қилиш ҳаракатлари бошланган.
Тимур Усманов "Андижон" жамоаси таркибида 16 та учрашувда майдонга тушиб, 923 дақиқа ҳаракат қилди ва рақиблар дарвозасига йўл топа олмади. Қолаверса, уч маротаба ҳакамлар томонидан огоҳлантирилди.
