«Реал» бош мураббийи Зинедин Зидан Винисиус Жуниор ва Родриго Гоэс нега кам ўйин амалиётига эга бўлаётгани ҳақидаги саволга жавоб берди.

"Бу каби саволлар кулгимни қистатади, холос. Бу — «Реал».

Ўз фикрингизни баҳам кўриш ҳар доим осон, аммо мен ушбу футболчилар билан ҳар куни ишлайман. Винисиус ўйинларнинг 34 фоизини ўйнаса, бошқа бир ўйинчи учрашувларнинг 32 фоизида, бошқаси эса 31 фоизида қатнашади.

Бу клубнинг ҳақиқати. Ҳар доим кўп ва кам ўйнайдиган футболчилар бўлади. Мен ғалаба қозонмоқчиман. Бунга ташқаридагилар (матбуот ва ижтимоий тармоқлар) ёрдам бермайди.

Улар ҳали болакай, иккаласи ҳали 21 ёшга ҳам тўлгани йўқ. Бу сиз ўйнаш ёки ўйнамаслигингиздан қатъи назар, футболнинг ҳақиқатидир.

Ҳар бир учрашув олдидан 11 нафар ўйинчини танлашингиз керак, ундан кейин эса бу ҳақда ўйлашингиз шарт эмас. Мен клубдан кетгунимга қадар шундай қилишда давом этаман. Шундай экан, хоҳлаган ишимни қиламан. Билмадим, саволингизга етарлича аниқ жавоб бера олдимми ёки йўқ", -дейди Зинедин Зидан.