Англиялик мутахассис Стив Макларен «Манчестер Юнайтед» клуби раҳбариятини чизиқлардаги мавжуд муаммоларга эътибор бериш кераклигига чақирди.

«Агар сиз клубингиз билан муваффақиятга эришишни хоҳласангиз, у ҳолда марказдаги футболчиларингиз яккама-якка курашларда устунлик қилишлари керак. Бу айниқса, жамоа юқори ҳимоя чизиғига эга бўлган тактик моделдан фойдаланадиган ҳолатларга тўғри келади. Магуайр ва Линделефларни юқори тезликка эга ҳимоячилар деб аташ мумкин эмас. Улар ҳаводаги тўплар учун курашларда ютиб чиқиши мумкин, бироқ бундай вазиятларда уларга ёрдам керак бўлади.

«Манчестер Юнайтед» рақиб дарвозаси олдида хавфли вазиятларни содир эта олади, уларнинг таркибида рақиб дарвозасини ишғол этадиган футболчилар бор. Бруну Фернандеша ва Ван де Бекларни сотиб олганидан кейин, марказий ярим ҳимоя сезиларли даражада кучайди. Аммо Санчони "МЮ" учун энг устувор вазифа деб ўйламайман. "Манкунианлар" Санчо учун «Боруссия» клубига сарфламоқчи бўлган пулларига юқори савияли ҳимоячи сотиб олса яхши бўларди», — деди Стив Макларен.