Россиялик футбол шарҳловчиси Геннадий Орлов Италиянинг "Женоа" клубига ўтаётган ҳамюртимиз Элдор Шомуродов ҳақида фикр билдирди.

«Бир ярим йил аввал Шомуродовнинг зукколиги ҳақида фикр билдиргандим. Чунки у зукколик борасида россиялик ҳужумчилардан юқори. Қаранг, мен ҳақ бўлиб чиқдим. «Женоа»га Шомуродовни таклиф қилишди, россиялик ҳужумчиларни эмас. Демак, футболга ақлим етаркан. Мен Шомуродов учун хурсандман, у Италияда ўзини кўрсата олади. Элдор бунга лойиқ йигит.

Ўзбекистонда ҳар доим яхши футболчилар бўлган. Қачонлардин Красницкий, Стадник, Абдураимов. Ҳар доим уларнинг ажойиб футболчилари бўлган. Ўзбекистон ўлкасида ҳамиша яхши футболчилар етишиб чиққан. Барчамиз Собиқ Иттифоқ давридаги ажойиб «Пахтакор»ни эслаймиз», - деди Орлов.