Римнинг "Рома" клуби "Реал" ҳужумчиси Борха Майорални ижарага олди. Бу ҳақда "Қироллик клуби" расмий сайти хабар бермоқда.
23 ёшли футболчи икки мавсум "Рома" таркибида ижара асосида тўп суради.
Transfermarkt порталининг тарқатган маълумотига қараганда, ушбу ижара шартномаси 2 миллион еврони ташкил этди.
Майорал "қаймоқранглилар" тарбияланувчиси саналади. У асосий жамоада 33 та учрашувда майдонга тушиб, 7 та гол урди ва 4 та голга ассистентлик қилди.
Майорал аввалроқ "Вольфсбург" ва "Леванте" клубларида ижара асосида тўп сурган.
