Англиянинг «Эвертон» клуби бош мураббийи Карло Анчелотти «Брайтон» (4:2) клубига қарши учрашувдан кейинги фикрлари билан ўртоқлашди.

Ўйин ҳақида:

«Брайтон» яхши ўйнади. Лекин биз яхшироқ ўйнадик. Ўйинни назорат қилдик, ҳимоя ва қарши ҳужумда совуққонлик билан ҳаракат қилдик. Майдоннинг ҳар бир қарич жойида яхши ҳаракат қилди, шунинг учун ғалаба қозондик. Олдимизда 15 кунлик танаффус бор, кейин олдимизда жиддий имтиҳон турибди, қўшниларимиз билан қийин учрашув кутмоқда»

Хамес Родригес ҳақида:

«Мен бошида айтганман, бундай моҳир футболчиларда янги жамоага мослашиш деган нарса бўлмайди. Футбол у даражада қийин эмас. Майдон ҳар доим бир хил, рақиблар ҳар доим 11 нафар футболчи, тўп юмалов ва дарвоза қимирламайди. Футбол – жуда оддий ўйин»

Кэлверт-Льюиннинг тўртта ўйинда киритган олтита голи ҳақида:

«Бунинг содир бўлишини бирор бир сабаби йўқ. У ўзига ишонади, ўсишда давом этмоқда, гол киритмоқда, бу эса ҳужумчи учун энг асосийси. Бу Доминикнинг юлдузли онлари», – деди Анчелотти.