Туриннинг "Ювентус" клуби бош мураббийи Андреа Пирло Криштиану Роналдунинг натижалари ҳақида фикр билдирди.
"Роналду жуда кўп машқ қилади. У машғулотларга биринчи бўлиб келади ва энг охирида уйига қайтади. Мавсумни жуда яхши бошлади. Умид қиламанки, ушбу ўйинини мавсум охиригача кўрсатади.
У ҳар бир ўйинда битта ёки иккита гол уришини хоҳлайман. Роналду ҳақиқатдан ҳам биз учун муҳим футболчи", - Пирлонинг сўзларидан иқтибос келтирмоқда Goal.
Жорий мавсумда португалиялик футболчи А Сериянинг иккита ўйинида иштирок этиб, учта гол киритди.
