«Барселона» клуби собиқ ҳужумчиси Луис Суарес жамоадан кетиши борасида ўз фикрини билдириб ўтди.

«Мен «Барселона»да 6 йил фаолият юритдим. Ҳамиша жамоага ёш ҳужумчи кераклигини айтиб келганман. Улар мен билан рақобат қилиши мумкин бўлган форвард билан шартнома имзолашмади.

Ҳужумчиларда муваффақиятли ва омадсиз даврлар бўлади. Мен жамоага керак эмаслигимни матбуотда билишдан олдин, менга қўнғироқ қилиб, сабабини тушунтиришларига муносиб бўлган эдим.

«Барселона»да тушунарсиз ишлар кўп. Мен уларга ечим таклиф қилдим. Агар савол иқтисод ёки спорт масаласига тақалса, мен буни тушунардим. Улар менга тушунтириш беришса яхши бўларди. Менга клуб директорлар кенгашининг қарори тушунарсиз бўлди.

Икки йил аввал жамоа мени ҳайдаб, ўрнимга бошқа ўйинчи харид қилмоқчи бўлган эди. Бу ҳолат анчадан бери юз бермоқда. Олти йил давомида мен на жамоадошларим, на Лео билан можарога бордим», – деди Суарес.