Спорт тадқиқотлари халқаро маркази (CIES) Европанинг кучли бешлик чемпионатлари клубларининг ҳозирги таркибларини шакллантириш учун қанча пул сарфлаганини ҳисоблаб чиқди.

«Манчестер Сити» клуби рейтинг етакчисига айланди. "Шаҳарликлар" ҳозирги таркибни йиғиш учун трансферлар ва бошқа харажатлар учун 1 миллиард евродан ортиқ пул сафрлагани маълум бўлди.

Бу борада иккинчи поғонани "Пари Сен-Жермен" эгаллади. Парижликларнинг харажатлари 888 миллион еврога тенг бўлган. «Манчестер Юнайтед» эса 84 миллион евро харажат билан учинчи поғонани банд этди.

Кейин ўринларни эса "Барселона", "Челси" ва "Реал" клублари банд этишди.

Европа чемпионлар лигасининг амалдаги ғолиби "Бавария" эса бор-йўғи 15-қаторни эгаллади. Мюнхенликлар айни пайтдаги таркиб учун 408 миллион евро маблағ сарфлашган.

Айни пайтдаги таркибни шакллантириш учун энг кўп пул сарфлаган клублар (топ-15):

1. «Манчестер Сити» – 1,036 миллиард евро
2. «ПСЖ» – 888 миллион евро
3. «Манчестер Юнайтед» – 844 млн евро
4. «Барселона» – 826 млн евро
5. «Челси» – 763 млн евро
6. «Реал» – 708 млн евро
7. «Ливерпуль» – 666 млн евро
8. «Ювентус» – 594 млн евро
9. «Арсенал» – 590 млн евро
10. «Эвертон» – 504 млн евро
11. «Атлетико» – 483 млн евро
12. «Тоттенхэм» – 479 млн евро
13. «Наполи» – 467 млн евро
14. «Интер» – 439 млн евро
15. «Бавария» – 408 млн евро.