Sport tadqiqotlari xalqaro markazi (CIES) Yevropaning kuchli beshlik chempionatlari klublarining hozirgi tarkiblarini shakllantirish uchun qancha pul sarflaganini hisoblab chiqdi.

«Manchester Siti» klubi reyting yetakchisiga aylandi. "Shaharliklar" hozirgi tarkibni yig‘ish uchun transferlar va boshqa xarajatlar uchun 1 milliard yevrodan ortiq pul safrlagani ma’lum bo‘ldi.

Bu borada ikkinchi pog‘onani "Pari Sen-Jermen" egalladi. Parijliklarning xarajatlari 888 million yevroga teng bo‘lgan. «Manchester Yunayted» esa 84 million yevro xarajat bilan uchinchi pog‘onani band etdi.

Keyin o‘rinlarni esa "Barselona", "Chelsi" va "Real" klublari band etishdi.

Yevropa chempionlar ligasining amaldagi g‘olibi "Bavariya" esa bor-yo‘g‘i 15-qatorni egalladi. Myunxenliklar ayni paytdagi tarkib uchun 408 million yevro mablag‘ sarflashgan.

Ayni paytdagi tarkibni shakllantirish uchun eng ko‘p pul sarflagan klublar (top-15):

1. «Manchester Siti» – 1,036 milliard yevro
2. «PSJ» – 888 million yevro
3. «Manchester Yunayted» – 844 mln yevro
4. «Barselona» – 826 mln yevro
5. «Chelsi» – 763 mln yevro
6. «Real» – 708 mln yevro
7. «Liverpul» – 666 mln yevro
8. «Yuventus» – 594 mln yevro
9. «Arsenal» – 590 mln yevro
10. «Everton» – 504 mln yevro
11. «Atletiko» – 483 mln yevro
12. «Tottenxem» – 479 mln yevro
13. «Napoli» – 467 mln yevro
14. «Inter» – 439 mln yevro
15. «Bavariya» – 408 mln yevro.