«Арсенал» клуби собиқ бош мураббийи, ФИФАнинг глобал футболни ривожлантириш бўлими бошлиғи Арсен Венгер Миллатлар лигаси мусобақасини бекор қилиб, Жаҳон ва Европа чемпионатларини тез-тез ўтказишни таклиф қилди.
«Миллатлар лигасини бекор қилиш ва ҳаммага тушунарли бўлган мусобақаларни ўтказиш керак. Кўчада одамлардан миллатлар лигаси нима эканини сўранг. Ҳамма ҳам буни тушунтириб бера олмайди.
Камроқ мусобақаларни ўтказиш керак. Ҳар икки йилда битта жаҳон чемпионати ва битта Европа чемпионати — замонавий футбол учун муносиб вариант», – деди Венгер.
Жаҳон чемпионатини тез-тез ўтказиш турнир қадрининг йўқолишига олиб келмайдими? Франциялик мутахассис шундай жавоб берди:
«Шундай савол берадиганларга ҳамиша жавоб бераман: мусобақанинг қадри уни кутиш билан боғлиқ эмас, балки унинг сифатига боғлиқ. Ахир Чемпионлар лигасини одамлар ҳар йили томоша қилишади. Назаримда, бу олдинга ташланган катта қадам бўлар эди», – деди Венгер "Bild"га берган интервьюсида.