Каталониянинг «Барселона» клуби янги ҳимоячиси Серджиньо Дест Лионел Месси билан бир жамоада ўйнаш имкониятига эга бўлганидан хурсанд эканлигини яширмади.
«Менга дунёдаги энг яхши футболчилар билан бир жамоада бирга ўйнаш туртки беради, мен айнан шуни орзу қилардим. Дунёнинг энг яхши футболчиси Месси мана шу ерда ўйнайди ва мен ундан кўп нарсаларни ўрганаман. Энг яхши футболчилар билан бир жамоада ўйнаб тезроқ ўсишга эришиш осон бўлади.
Мен Мессининг ўйинларини доим телевизор орқати томоша қилардим, ҳозир бўлса у билан бир жамоадаман. Бу шунчаки фантастика», – деди Дест.
