Kataloniyaning «Barselona» klubi yangi himoyachisi Serdjinyo Dest Lionel Messi bilan bir jamoada o‘ynash imkoniyatiga ega bo‘lganidan xursand ekanligini yashirmadi.

«Menga dunyodagi eng yaxshi futbolchilar bilan bir jamoada birga o‘ynash turtki beradi, men aynan shuni orzu qilardim. Dunyoning eng yaxshi futbolchisi Messi mana shu yerda o‘ynaydi va men undan ko‘p narsalarni o‘rganaman. Eng yaxshi futbolchilar bilan bir jamoada o‘ynab tezroq o‘sishga erishish oson bo‘ladi.

Men Messining o‘yinlarini doim televizor orqati tomosha qilardim, hozir bo‘lsa u bilan bir jamoadaman. Bu shunchaki fantastika», – dedi Dest.