Испаниялик ярим ҳимоячи Тьяго Алькантара яқинда ёпилган трансфер бозорида Каталониянинг "Барселона" клубига ўтиши мумкин эди, дея хабар бермоқда The Guardian.
Нашрнинг ёзишича, футболчига "Барселона" клуби таклиф билан чиққан, бироқ, у "Бавария"дан "Ливерпуль" клубига ўтишни афзал кўрган. "Қизиллар" унинг трансфери учун 22 миллион евро сарфлади. Жорий мавсумда 29 ёшли Алькантара "қизиллар" таркибида битта учрашув ўтказишга улгурди.
Тьяго Алькантара "Барселона" тарбияланувчиси ҳисобланади. У каталонияликлар таркибида 2011 йилдан 2013 йилгача 100 та учрашувда майдонга тушиб, 11 та гол киритди ва 20 та голга ассистентлик қилди.
