Мадриднинг «Реал» клуби ярим ҳимоячиси Браим Диас нима учун фаолиятини "Милан" клубида ижара асосида давом эттиришга қарор қилганини сўзлаб берди.
«Менга бошқа жамоалардан ҳам етарлича таклифлар бўлганди, бироқ, мен «Милан» клубига ўтишга қарор қилдим. Клубнинг лойиҳасини кенглиги мени Италияга кўчиб ўтишимга сабаб бўлди. Биз ўз ишимизда тўхтаб қолмаслигимиз керак, бизда ниҳоятда тажрибали ижрочиларга эга бўлган ёш жамоамиз бор, уларнинг ёрдами бебаҳодир.
Клубда пайдо бўлишим биланоқ Ибрагимовичдан кўп нарсаларни ўргандим. Унинг ёши катта бўлишига қарамай, майдонда бошқалардан ажралиб турганига қойил қолиш керак.
Агар биз ЕЧЛга йўлланмани қўлга киритсак, Тео Эрнандес қилган ишни такрорлайман. Клубнинг расмий рангига бурканаман ва биз ҳаттоки селфи қилишга ҳам тайёрмиз», — деди Браим Диас.
