Англиянинг «Манчестер Юнайтед» клуби собиқ футболчиси Пол Скоулз жамоанинг янги ҳужумчиси Эдинсон Кавани ҳақида фикр билдирди.

«Шубҳасиз, ўз вақтида у марказий ҳужумнинг энг яхшиларидан бири бўлган. Бироқ, ҳозир унинг ёши 33да, афтидан у фаолиятини якунламоқчи. Ўтган мавсум у «ПСЖ» таркибида кам майдонга тушди.

5-6 йил аввал ажойиб трансфер бўлган бўларди, эҳтимол ўшанда "МЮ"ни янги савияга олиб чиқа олган бўларди. Лекин бу иш ҳозир амалга ошади деб ўйламайман.

Каванини ижарага олиш керак эди. Агар жамоада ҳужумчи борасида муаммо юзага келса, унда қийин даврдан ўтиб олиш учун 2-3 ойга ижарага олиш керак.

Менимча, унинг 33 ёшида унга икки йиллик шартнома таклиф қилмаслик керак. Бу мен учун жуда ғалати. Аммо, Кавани бундай деб ўйламайди, бу таклиф унга маъқул келишига шубҳа қилмайман», – деди Скоулз Stadium Astro билан суҳбатда.

Кавани «Манчестер Юнайтед» клубига эркин агент сифатида келиб қўшилди. У жамоа билан «1+1» кўринишида шартнома имзолади.