Angliyaning «Manchester Yunayted» klubi sobiq futbolchisi Pol Skoulz jamoaning yangi hujumchisi Edinson Kavani haqida fikr bildirdi.

«Shubhasiz, o‘z vaqtida u markaziy hujumning eng yaxshilaridan biri bo‘lgan. Biroq, hozir uning yoshi 33da, aftidan u faoliyatini yakunlamoqchi. O‘tgan mavsum u «PSJ» tarkibida kam maydonga tushdi.

5-6 yil avval ajoyib transfer bo‘lgan bo‘lardi, ehtimol o‘shanda "MYU"ni yangi saviyaga olib chiqa olgan bo‘lardi. Lekin bu ish hozir amalga oshadi deb o‘ylamayman.

Kavanini ijaraga olish kerak edi. Agar jamoada hujumchi borasida muammo yuzaga kelsa, unda qiyin davrdan o‘tib olish uchun 2-3 oyga ijaraga olish kerak.

Menimcha, uning 33 yoshida unga ikki yillik shartnoma taklif qilmaslik kerak. Bu men uchun juda g‘alati. Ammo, Kavani bunday deb o‘ylamaydi, bu taklif unga ma’qul kelishiga shubha qilmayman», – dedi Skoulz Stadium Astro bilan suhbatda.

Kavani «Manchester Yunayted» klubiga erkin agent sifatida kelib qo‘shildi. U jamoa bilan «1+1» ko‘rinishida shartnoma imzoladi.