Испания терма жамоаси бош мураббийи Луис Энрике Миллатлар Лигасининг 4-тур доирасида Украина терма жамоасидан қабул қилиб олинган мағлубият ҳақида ўз фикрларини билдирди.

"Бир ёки иккита ўйинни голсиз якунласак, буни ёмон жойи йўқ. Бугун гол киритиш учун етарлича имкониятга эга бўлдик. Қолаверса, бизнинг бўш ҳудудларимизни ёпишга ва барча узатмаларимизга тўсишга ҳаракат қилган рақибдан 90 дақиқа устунлик қилдик. Испанияда Давид Де Хеани айблашга ўрганиб қолишди. Агар улар бу сафар ҳам уни танқид қиладиган бўлса, у ҳолда чироқни ўчириб, таслим бўлишга тўғри келади. Фаолиятим давомида бундан мағлубиятларни кўп кўрганман, аммо, йигитларнинг ўйинга бўлган муносабатлари мени қониқтирди ва умуман олганда, бугунги кўрсатган ўйинимиз менга ёқди", - Энрикенинг сўзларидан иқтибос келтирмоқда УЕФА сайти.