Англиянинг "Манчестер Юнайтед" ва Дортмунднинг "Боруссия" клуби собиқ футболчиси Синдзи Кагава фаолиятни Италиянинг "Брешия" клубида давом эттириши мумкин дея хабар тарқатмоқда Tuttosport.
Нашрнинг ёзишига қараганда, айни пайтда эркин агентга айланган футболчига Италия клуби шартнома таклиф қилган. Шу тариқа, япониялик футболчи "Брешия" сафига бепул бориб қўшилиши мумкин.
31 ёшли қитъадошимизнинг сўнгги клуби - Испаниянинг "Сарагоса" жамоаси бўлди. У ўтган мавсумда жамоа таркибида 36 та учрашувда майдонга тушиб, 4 та гол киритди ва иккита голга ассистентлик қилди.
