"Tuttosport" нашри Европанинг 2020 йилдаги энг яхши ёш футболчиси соврини учун 20 нафар якуний даъвогарлар рўйхатини эълон қилди.

Эслатиб ўтамиз, «Golden Boy» совринига даъвогар футболчи 21 ёшдан катта бўлиши керак эмас ва у Европа чемпионатларининг юқори дивизионларидан бирида ўйнаши керак. Ғолиб номи спорт нашрлари журналистлари ўртасидаги ўтказиладиган сўровнома орқали аниқланади.

Номзодлар рўйхати қуйидагича:

Митчел Баккер ("Пари Сен-Жермен", Нидерландия)
Эдуардо Камавинга ("Ренн", Франция)
Жонатан Дэвид ("Лилль", Канада)
Альфонсо Дэвис ("Бавария", Канада)
Сержиньо Дест ("Барселона", АҚШ)
Фабиу Силва ("Вулверхэмптон", Португалия)
Ансу Фати ("Барселона", Испания)
Филип Фоден ("Манчестер Сити", Англия)
Райан Гравенберх ("Аякс", Нидерландия)
Мэйсон Гринвуд ("Манчестер Юнайтед", Англия)
Эрлинг Холанд ("Боруссия" Дортмунд, Норвегия)
Каллум Хадсон-Одои ("Челси", Англия)
Деян Кулушевски ("Ювентус", Швеция)
Родриго ("Реал", Бразилия)
Букайо Сака ("Арсенал", Англия)
Жейдон Санчо ("Боруссия" Дортмунд, Англия)
Доминик Собослаи ("Ред Булл Зальцбург", Венгрия)
Сандро Тонали ("Милан", Италия)
Ферран Торрес ("Манчестер Сити", Испания)
Винисиус Жуниор ("Реал", Бразилия).

Ушбу совриннинг ўтган йилги ғолиби "Атлетико" клуби ва Португалия терма жамоаси ярим ҳимоячиси Жоау Фелиш ҳисобланади.