"Челси" клуби бош мураббийи Фрэнк Лэмпард жамоанинг трансфер бозоридаги ишлари ҳақида фикр билдирди.
"Ўйлайманки, Эден Азарни "Челси"дан кетиши катта йўқотиш бўлди. Биз АПЛнинг энг яхши футболчисини йўқотдик. Трансфер бозоридаги таъқиқ сабабли, янги футболчиларни харид қила олмадик. Шу сабабли, ўтган йили фақат майдонда ишлашга мажбур бўлдик.
Кучли олтиликка кирмоқчи бўлган клублар катта маблағ сарфладилар ва бу йил ҳам шундай қилишди. Биз эса таъқиқ сабабли, иккита трансфер бозорини ўтказиб юбордик, ҳозир эса трансфер бозорига қайтиб, бизни кучли қилиши мумкин бўлган футболчилар билан шартнома имзоладик", - Лэмпарднинг сўзларидан иқтибос келтирмоқда Goal портали.
Эслатиб ўтамиз, "Челси" якунига етган ёзги трансфер бозорида Хаким Зиеш, Тимо Вернер, Кай Хаверц, Бен Чилуэлл, Тиаго Силву, Эдуар Менди ва Маланга Саррлар билан шартнома имзолади.
