Бразилиянинг "Сантос" клуби "Реал" ва"Манчестер Сити" клубларининг собиқ ҳужумчиси Робиньо билан шартномани тўхтатиб қўйди. Бу ҳақда клуб расмий сайти хабар бермоқда.

2017 йили футболчи 9 йилга озодликдан маҳрум этилган эди. Суд Робиньони албаниялик қизни гуруҳ бўлиб зўрлаганликда айбдор деб топди. Ҳужумчи Суд ҳукми устидан шикоят билдирган ва унинг иши ҳалигача давом этмоқда.

Эслатиб ўтамиз, Робиньо "Сантос" клуби тарбияланувчиси саналади. У ушбу жамоа таркибида 158 та учрашувда майдонга тушиб, 80 та гол киритган.

Шунингдек, Робиньо "Реал", "Манчестер Сити", "Милан", "Гуанчжоу" ва Туркиянинг бир қатор клубларида тўп сурган.

Форвард "Сантос" сафига 11 октябрь куни бориб қўшилганди. У "Сантос" таркибида ойига 271 АҚШ доллари маош оларди.