«Женоа»нинг янги футболчиси Элдор Шомуродов Италия чемпионатининг 4-туридан ўрин олган баҳсда ўз жамоаси сафида дебют қилиши мумкин.
Ўзбекистонлик футболчи "Верона"га қарши бўладиган ўйин учун кенгайтирилган таркибдан ўрин олди ва жамоа билан Верона шаҳрига йўл олди.
Айни пайтда «Женоа»нинг бир неча нафар футболчиси коронавирусга чалинган ва улар ҳозир карантин муддатини ўташмоқда. Шу боис, Элдор бугун учрашувни асосий таркибда бошлаши мумкин.
Эслатиб ўтамиз, «Верона» – «Женоа» учрашуви 19 октябрь, душанба куни Тошкент вақти билан 23:45да бошланади.